बिहार में चुनाव के बयार बह रहल बा, आ सियासत के स्टेज पर पवन सिंह जी फिर से कैमरा फेस कइले बाड़न। पिछला सीन में जवन बगावत के धमाका भइल रहे, ओके अब NDA “प्लॉट ट्विस्ट” मान के बैक टु बेसिक जा रहल बा।
भोजपुरी में कहल जाव त — “जहवा से झगड़ा शुरू भइल, उहे ठिकाना अब फिर से प्यार के अड्डा बन गइल बा!”
2024 के बगावत – जब पवनवा बोले, “हमके टिकट ना, त हमहूं विद्रोही!”
लोकसभा चुनाव 2024 में पवन सिंह चाहत रहलन कि काराकाट से NDA के टिकट मिल जाव।
बाकिर टिकट मिलल कुशवाहा जी के, पवन जी के दिल टुटल आ ऊ कहले – “अब हम स्वतंत्र उम्मीदवार बनके देखाईं NDA के कि पावर के मतलब का होला!”
नतीजा?
NDA के उमेदवार तीसरा नंबर पर आ गइले, महागठबंधन के वोट मुस्कराएल, आ पब्लिक सोचल – “एतना झगड़ा, त फिल्म में भी ना देखनी!”
अब तावड़े जी आ ऋतुराज जी खुदे पवनवा के दरवाजा खटखटा रहल बाड़न
माफ़ी के लिट्टी-चोखा लेके भाजपा के नेता विनोद तावड़े आ ऋतुराज सिन्हा पहुंच गइलन उपेंद्र कुशवाहा जी का लगे।
पवन सिंह भी एही दिने कुशवाहा जी से “टी टाइम मीटिंग” कइले बाड़न। मीटिंग में का भइल, ओह पर पर्दा बा, बाकिर अंदर से खबर बा –
“ई मीटिंग में चाय से जादा, कुर्सी के चर्चा भइल!”
भाजपा बोले – “पवन सिंह भाजपा में रहलन आ भाजपा में ही रहीहें!”
अब ई गो ऐलान भइल बा, बाकायदा प्रेस कॉन्फ्रेंस में – “पवन सिंह जी हमरा पार्टी के हिस्सा बाड़न, आ रहीहें।”
बाकिर जनता पूछ रहल बा –“का पक्का पक्का? ना फेर से बगावत के नया सीन आवे वाला बा?”
जातीय गणित में पवन सिंह – NDA के नया कैलकुलेटर
पवन सिंह = राजपूत वोट + भोजपुरी स्टारडम
उपेंद्र कुशवाहा = कुशवाहा समाज
मिला के = NDA के शाहाबाद में रामबाण
राजनीति के पंडित कह रहल बाड़न:
“अगर पवनवा मान गइले, त NDA के काराकाट, आरा, बक्सर में गेम पलट सकsता बा!”
सुनतानी डील का मिल सकsता बा पवन जी के?
2 गो विधानसभा सीट
1 राज्यसभा के बुकिंग
आ एगो गाना भाजपा के प्रचार खातिर फ्री में!
अब त भोजपुरिया वोटर कह रहल बा – “सुपरस्टार से सांसद बन जाइब, बाकिर स्टेज पर गाना त मत भूलीं पवन जी!”
महागठबंधन के माथा में दरद
पिछला बार लालू जी कुशवाहा उम्मीदवारन के उतार के Yadav + Muslim + Kushwaha समीकरण से NDA के धोले रहलन।
अब NDA अगर Rajput + Kushwaha + Bhojpuri Celebrity Factor मिला लेवे त महागठबंधन के पसीना आ जाई गर्मी बिना।
भोजपुरिया सटायर: वोट से पहिले सेटिंग!
“पवनवा पहिले बोलले – ‘हमरा के टिकट चाहीं!’ भाजपा बोललस – ‘हमरा के पब्लिक चाही!’ अब दुनू मिलके कह रहल बा – एकरा में पब्लिक के भलाई बा!’ बाकिर पब्लिक सोचतिया – ‘का अबकी बार सच्चो विकास होई, कि खाली फिर से गाना गवावल जाई?'”
पवनवा के वापसी से चुनाव ना, स्क्रिप्ट बदल गइल बा!
पवन सिंह के राजनीति में वापसी के बाद NDA के पोस्टर में हीरो बदल गइल बा। अब देखे के बा कि काराकाट में फिल्म चलेला कि ड्रामा?
भोजपुरी जनता के कहनाम बा: “पवनवा त ठीक बा, बाकिर अगिला सरकार में लाइट-पानी मिली कि ना, उ पूछsता?”
ब्लास्ट में 9 की मौत, 32 घायल — फ्रंटियर कोर हेडक्वार्टर के पास हुआ धमाका
